Circe ou o pracer do azul - Begoña Caamaño

Título orixinal: Circe ou o pracer do azul
Ano: 2009
Editorial: Galaxia

Tradutor: --
Páxinas: 309
Ficha en Goodreads | Ver en Amazon

Falouse e escribiuse moito ao longo da historia da figura de Ulises e da raíña Penélope que destecía de noite o que tecera de día mentres agardaba ano tras ano o regreso do seu marido. Circe ou o pracer do azul parte deste mito pero da un xiro ao modo de abordalo. Ulises non é máis ca un pretexto para contar a historia de Penélope e a estrana amizade que xorde entre ela e Circe, a feiticeira que lle escribe cartas e que mantén una relación amorosa co seu marido.

Nas súas novelas, Begoña Caamaño sempre parte de mitos moi coñecidos como o do rei Arturo ou neste caso Ulises para contar historias cheas de feminismo e no que as mulleres son as personaxes principais. Neste caso céntrase nas dúas mulleres da vida de Ulises: a súa esposa e raíña de Ítaca Penélope e a sensual, poderosa e bela Circe da que queda prendado.

Resulta moi novedoso ler unha historia na que Ulises e o seu regreso a Ítaca non é máis que o nexo de unión entre dúas mulleres que, pese a que todo indica que deben ser inimigas, acaban establecendo unha relación de profunda amizade.

Circe ou o pracer do azul invita á reflexión sobre o feminismo, a igualdade e pon de manifesto o papel que historicamente se lle reservaba as mulleres. Ambalas dúas mulleres son fortes, independientes e intelixentes, pero teño que destacar a Penélope que nos anos que leva agardando o regreso de Ulises trala guerra de Troia tivo que gobernar Ítaca e manter á raia a tódolos homes que ven na ausencia do rei a oportunidade perfecta para facerse co poder. Ademáis, mentres lidia cos problemas do reino ten que lidiar cos familiares pois o seu fillo Telémaco está a ser influenciado pola súa avoa e afástase cada vez máis da súa nai.

Unha novela moi recomendable que amosa como poden utilizarse mitos clásicos para contar temas do máis actuais.